Мінск. Дом ураду.

Паколькі беларускі савецкі ўрад размяшчаўся ў розных дарэвалюцыйных будынках, то паўстала неабходнасць пабудовы новагй сучаснай адміністратыўнай установы. У 1929 годзе быў праведзены усесаюзны архітэктурны конкурс, для пабудовы Дома ураду ў Мінску. У конкурсе прынялі ўдзел многія вядомыя савецкія архітэктары. Перамог варыянт беларускага архітэктара Іосіфа Лангбарда. Гэта не проста будынак – а адзін з сімвалаў савецкай эпохі савецкай Беларусі. Кампазіцыя будынка заснавана на сіметрычным узрастанні аб’ёмаў і вышынь ад перыферыі да галоўнага фасада ў цэнтры. І. Лагбард сумесна з ленінградскім скульптарам Мацвеем Манізерам распрацавалі помнік Уладзіміру Леніну, які быў усталяваны перад галоўным фасадам. Помнік Леніну быў знішчаны нацыстамі ў час гітлераўскай акупацыі і адноўлены пасля вайны. Будынак можна наведаць з экскурсіяй па папярэдняй замове. А калі вы будзеце аглядаць помнік Леніну, то падыйдзіце бліжэй і прыглядзіцеся да бырыльефаў на п’едыстале – там акрамя гістарычных барэльефаў вы пабачыце надпісы на дарэформеннай беларускай мове.