Мінск. Нацыянальная бібліятэка

Нацыянальная Бібліятэка Беларусі бярэ свой пачатак ў 1922 годзе. І да 2006 года размяшчалася ў іншых памяшканнях у цэнтры Мінска. Сучасны будынак узведзены ў 2006 годзе паводле праекта творчага калектыва М. Вінаградава і В. Крамарэнка. На сённяшні дзень Нацыянальная бібліятэка - гэта найбуйнейшы інфармацыйны цэнтар у Рэспубліцы Беларусь і налічвае больш за 10 мільёнаў кніг. Гэта друкаваныя кнігі, рукапісы, электронныя і іншыя матэрыялы на больш чым 80 мовах свету. У бібліятэцы маецца музей кнігі, у якім пабачыце старажытныя рукапісы, рэдкія кнігі якім па некалькі стагоддзяў, кнігі з аўтографамі сусветнавядомых дзеячоў. У музеі можна заказать экскурсію, як і ў самой бібліятэцы. Пры жаданні ёсць магчымасць ўзняцца таксама на аглядную пляцоўку, дзе вы пабачыце непаўторную панараму Мінска. Плошча перад будынкам упрыгожана незвычайным помнікам нацыянальнаму дзеячу, беларускаму першадрукару Францыску Скарыне. Францыск родам з старажытнага беларускага горада Полацка і ў 1517 годзе выдаў “Біблію”. Помнік усталяваны ў 2006 годзе – архітэктар А. Камлюк і Я. Ліневіч, а скульптар А. Дранец. Галоўны ўваход у бібліятэку зроблены ў выглядзе разгорнатай кнігі на старонках якой напісана на розных мовах свету.