Іўе. Кола гісторыі.

У экспазіцыі "Кола гісторыі" можна ўбачыць усе самыя важныя падзеі ў гісторыі горада — ад першай згадкі да надання статусу горада. Таксама тут фігуруюць такія ключавыя даты, як будаўніцтва храмаў, паселішча татараў і трагічныя падзеі, звязаныя са знішчэннем яўрэйскага насельніцтва.

Важна адзначыць, што менавіта ў гэтым раёне падчас вайны знаходзіўся ўваход у гета, а непадалёк размяшчаліся яўрэйскія могілкі, ад якіх, на жаль, нічога не засталося. Таксама прадстаўлены і іншыя значныя гістарычныя факты. Напрыклад, да 1954 года Іўе ўваходзіла ў склад Маладзечанскай вобласці, а да 1960 года існаваў асобны Юрацішкаўскі раён.

Камень 1-1444 год. Першая згадка пра Іўе ў складзе ВКЛ.

Камень 2-1495 год. Заснаваны Касцёл святых апосталаў Пятра і Паўла.

Камень 3-1569-1795 гады. Іўе ў складзе Рэчы Паспалітай.

Камень 4-1742 год. Іўе атрымала статус мястэчка.

Камень 5 - 1795-1917 г.Іўе ў складзе Расійскай імперыі.

Камень 6-ХVІІІ ст. будаўніцтва сінагогі.

Камень 7-1882 г.будаўніцтва мячэці.

Камень 8-1921-1939. Іўе ў складзе Польшчы.

Камень 9 — 17.09.1939-08.12.1940 гады. Іўе ў складзе СССР.

Камень 10-15.01.1940. Іўе атрымала статус гарадскога пасёлка, створаны Іўеўскі раён Баранавіцкай вобласці.

Камень 11 — 29.06.1941-07.07.1944. Акупацыя Іўеўскага раёна нямецка-фашысцкімі захопнікамі.

Камень 12-1994. Заснаваны праваслаўны храм святога мучаніка немаўля Гаўрыіла Беластоцкага, Слуцкага.

Камень 13-16.06.2012. Адкрыты помнік "У гонар дружбы і згоды канфесій Іўеўшчыны".

Камень 14-15.01.2000. Іўе атрымала статус горада. 16 чэрвеня 2007 г. зацверджаны герб і сцяг горада Іўе.

Побач з экспазіцыяй усталяваны паказальнік напрамкаў з назвамі гарадоў-пабрацімаў Іўя: Азнакаева ў Татарстане, Кайшадорыс у Літве і Сакулка ў Польшчы. Гэта падкрэслівае міжнародныя сувязі і культурную разнастайнасць рэгіёну.

"Кола гісторыі" - адна з самых цікавых і змястоўных славутасцяў Іўя. Экспазіцыя апускае наведвальнікаў у гісторыю карэннага насельніцтва Іўеўшчыны і знаёміць са значнымі падзеямі горада.