Гродна. Дом Харчанкі (вул. Замкавая, дом 9).

У горадзе Гродна на вуліцы Замкавай (№ 9) ёсць помнік архітэктуры ў стылі эклектыкі. Узведзены будынак у часы Расійскай імперыі ў 1912 годзе. Належаў чыноўніку стацкаму саветніку Харчанку.

 Будынак мураваны, трохпавярховы, атынкаваны. Парадны фасад аздоблены дэкорам. Па цэнтры будынка знаходзіцца два літых чыгунных балкона. Дом узведзены на часткі падмуркаў палаца Масальскіх.

У 1877 годзе жыхар Гродна мешчанін Мойша Глінфельд набыў у горада гэтую зямлю, і праз два гады пабудаваў аднапавярховы будынак з мезанінам. Дом быў знішчаны пажарам у 1895 годзе. Пустуючы ўчастак набывае калежскі саветнік Іван Лукіч Харчанка. Ён і ўзвёў новы каменны сучасны трохпавярховы дом, дзе быў вадаправод, ванна з туалетам і воданагравальнік. Сам уласнік дома з жонкай Аляксандрай Паўлаўнай таксама жылі ў гэтым будынку на трэцім паверсе ў пяціпакаёвай кватэры. А былы гаспадар ранейшага будынка Мойша Глінфельд са сваёй сям'ёй пачаў жыць на другім паверсе ў чатырохпакаёвай кватэры.

Першы паверх займаў харчовы магазін М. Руткоўскага. У 1910 годзе ў доме размяшчалася агенцтва Беластоцкага таварыства ўзаемнага страхавання ад агню. Флігель пры будынку быў прыстасаваны для супрацоўнікаў і прыслугі: тут жылі дворнік, аканом і кухарка. 

Пасля Вялікай Айчыннай вайны з восені 1944 года працуе ў памяшканнях будынка фармацэўтычная і фельчарска–акушэрская школа. У 1970-я гады працуе ўстанова «Аблаўтатрэст», а потым РУП "Гроднааўтадар".