Гродна. Дом Масальскіх (вул. Замкавая, 5).

У гістарычным цэнтры горада Гродна на Замкавай вуліцы (пад нумарам 5) знаходзіцца Дом Масальскіх. Будынак мураваны трохпавярховы да якога прыбудавана аднапавярховая прыбудова гаспадарчага будынка. Мае статус гісторыка-культурнай каштоўнасці. Лічыцца адным з самых старажытных каменных будынкаў у Гродне.

Узведзены дом у часы Вялікага Княства Літоўскага ў 1643 годзе, а па іншых дадзеных - у 1726 годзе. Перабудаваны быў у часы Расійскай імперыі ў 1912 годзе. Быў узведзены як палацавы комплекс у 18 стагоддзі, і уключаў у сябе некалькі бліжэйшых пабудоў. Уяўляў з сябе П-вобразны комплекс пабудоў. Палац быў двухпавярховым, а трэці надбудавалі ў пачатку 20-га стагоддзя.

 Спачатку будынак належаў мясцовым яўрэям Кадыш і Іцку Абрамовічам. Яны прадалі дом вялікаму літоўскаму правадыру Аляксандру Гілярыю Палубінскаму. Па іншай версіі, тут быў спачатку палац князя Радзівіла. У 1726 годзе будынак належаў старасце горада Гродна Міхалу Масальскаму. У 1781 годзе палац быў перапісаны князем Ксаверыем Масальскім на віленскага біскупа Ігната Масальскага.

 У 1794 годзе палац належаў падкормію Гродна Францішку Юндзілу. Пасля рэвалюцыі ў будынку збіраліся беларускія арганізацыі. У часы Польскай дзяржавы ў 1920-я гады тут працавала яўрэйская рэлігійная школа і клуб яўрэйскай інтэлігенцыі.

 Пасля Вялікай Айчыннай вайны палац перабудавалі. Тут працавала гандлёва-кулінарная школа, а потым размяшчаўся інтэрнат медыцынскага ўніверсітэта. Некалькі гадоў таму помнік набыў прыватны ўласнік, які плануе тут адкрыць гатэль.