Гарадок. Раённы краязнаўчы музей.

Мястэчка гарадок-невялікі горад на поўначы Віцебскай вобласці. Гарадок вядомы з 16-га стагоддзя. Меў бастыённы замак. Для папулярызацыі ведаў па гісторыі краю, у 1974 годзе была прынята пастанова аб адкрыцці краязнаўчага музея, які пачаў працаваць з 1976 года ў будынку былой дзіцячай бібліятэкі.

З 1996 года ўстанова атрымала новы будынак, а з 2004 года стала называцца "Гарадоцкі раённы краязнаўчы музей". Экспазіцыя займае выставачную плошчу больш за 200 метраў квадратных.

Гарадок вядомы сваімі літаратурнымі традыцыямі. З гэтых месцаў родам Канстанцін Вярэніцын (1834 – 1903) - аўтар паэмы "Тарас на Парнасе". Вярэніцын нарадзіўся ў вёсцы астраўляне Гарадоцкага раёна і скончыў прыходскае вучылішча ў мястэчку. У музеі створана экспазіцыя, якая расказвае пра літаратараў Гарадоцкага краю. Недалёка ад музея створана Літаратурна-мастацкая кампазіцыя "Канстанцін Вярэніцын і яго паэма "Тарас на Парнасе".

У музеі працуюць аддзелы этнаграфіі і народных рамёстваў, аддзел прыроды, дзе распавядаецца аб карысных выкапняў і воднай сістэме, флоры і фауне рэгіёну. Музей мае 26 тысяч артэфактаў асноўнага фонду з якіх сфармаваныя калекцыі фатаграфій і дакументаў, узнагарод і зброі, калекцыя графікі і жывапісу. Таксама маецца археалагічная калекцыя, дзе распавядаецца аб самым старажытным перыядзе мястэчка і раёна.