Дуброўна. Манастыр бернардынцаў.

У 15 – пачатку 16 стагоддзяў уладальнікам земляў у сучасным мястэчку Дуброўна быў адзін з найбагацейшых родаў – род Глебавічаў. Дзякуючы яму, тут узнік Дубровенскі замак, які з'яўляўся цэнтрам тагачаснай абароны. Глебавічы і запрасілі на гэтыя землі бернардынцаў – каталіцкі манаскі ордэн, члены якога ў 1453 годзе ўладкаваліся ў Польшчы пры саборы святога Бернарда ў Кракаве. Бернардынцы славіліся сваёй лагоднасцю, адсутнасцю фанатычнай рэлігійнасці і займаліся тут рэлігійна-асветніцкай дзейнасцю.

У 1630 годзе Мікалаем Глебавічам быў заснаваны Манастыр бернардынцаў. Аднак, пасля пажару, які адбыўся ў канцы 18 стагоддзя, уцалеў касцёл, які толькі знаходзіўся на тэрыторыі манастыра. На месцы згарэлага драўлянага манастыра, Ксаверый Любамірскі пабудаваў цагляны двухпавярховы Манастыр бернардынцаў у 1809 годзе.

У савецкія гады ў будынку кляштара ў розны час размяшчаліся школа, камунальныя службы, ДТСААФ. Цяпер мяркуецца правесці рэстаўрацыю будынка і адкрыць гісторыка-краязнаўчы музей.