Ворша. Рэальнае вучэлішча

Аршанскі будынак рэальнага вучылішча пабудаваны ў 1906 годзе з чырвонай цэглы ў стылі мадэрн. У 1907 – 1909 гадах у гэтай установе працаваў Панцеляймон Мікалаевіч Лепяшынскі (1868 – 1944) – рэвалюцыянер, партыйны і грамадскі дзеяч, пісьменнік. Пасля рэвалюцыі ў будынку працавала сярэдняя школа. У школе вучыўся вядомы беларускі пісьменнік Уладзімір Караткевіч (1930 – 1984). Калі вы будзеце аглядаць гэты помнік архітэктуры, то варта яго абыйсці вакол і вы пабачыце розныя цікавыя ракурсы і архітэктурныя элементы, якія ня бачныя з галоўнага фасада. Будынак вучылішча двухпавярховы мураваны аб'ём з бакавымі крыламі, якія арыентаваныя ў двор. П – падобны ў плане. Галоўны ўваход у цэнтры будынку мае невялікі вестыбюль і прыхожыю. З вестыбюля трохмаршавая парадная лесвіца вядзе на другі паверх. На другім паверсе ёсць прасторная актавая зала. Архітэктурны дэкор вучылішча досыць сціплы і вырашаны сродкамі цаглянай муроўкі. Зараз у будынку працуе гімназія № 2. Бобач з будынкам гімназіі знаходзіцца музей У.Караткевіча і дом, дзе жыў пісьменнік.