Чэрнеўка. Царква Святой Троіцы.

Вёска Чэрнеўка вядомая з 17 стагоддзя. У часы Вялікага княства Літоўскага ўваходзіла ў склад Магілёўскай эканоміі Аршанскага павета. А ў часы Расійскай імперыі было ва ўладанні розных паноў і ў тым ліку графа Зорыча . Першапачаткова царква была драўляная. А мураваную ўзвялі ўжо ў 1826 годзе, а па іншым крыніцам у 1860-хт гадах. У часы СССР храм зачынілі і зрабілі мясцовы клуб, для культурнага адпачынку мясцовага насельніцтва. З цягам часу клуб перанеслі ў іншае памяшканне, а будынак царквы пуставаў і прыходзіў у заняпад. У 2003 годзе жыхары Чэрнеўкі стварылі рэлігійную абшчыну прыхода Троіцкай царквы і паступова пачалі збіраць сродкі на аднаўленне храма. У апошнія гады ўжо шмат чаго зроблена па рэстаўрацыі будынка, вядзецца служба. Недалёка ад царквы з правага боку знаходзіцца брацкая магіла савецкіх салдат, якія тут загінулі летам 1944 года пры вызваленні Магілёўшчыны ад гітлераўскіх захопнікаў. І побач ёсць невялікі сквер у якім мясцовымі жыхарамі зроблена ўтульная беседка з нацыянальным каларытам – плот-пляцень, дзе сабраная калекцыя керамічных жбаноў і жэрнава ад ручных млыноў.