Ахрэмаўцы. Капліца-пахавальня Плятэраў.

Вёска Ахрэмаўцы, перш вядомая як Бельмонты, знаходзіцца недалёка ад Браслава, у маляўнічым месцы на беразе Дрывят. Назва звязана з прозвішчам Ахрэмавічы, якія валодалі гэтымі землямі яшчэ ў XVII стагоддзі. Раней у Ахрэмаўцы стаяў палац Мануцы, які, на жаль, не захаваўся. Убачыць яго можна толькі на малюнках мастака Напалеона Орды.

Капліца-пахавальня, збудаваная ў XIX стагоддзі, захавалася да нашых дзён. Комплекс уключае ў сябе пахавальню, масіўную агароджу, цэнтральныя вароты і дзве маленькія капліцы. Помнік культуры даступны для наведвання як з групай, так і самастойна, дзякуючы зручнаму размяшчэнню ў канцы вёскі, побач з трасай.

Славутасць знаходзіцца на мясцовых могілках. Яе будаўніцтва было ініцыявана графам Плятэрам, якія жадалі стварыць фамільную пахавальню. Капліца-пахавальня ў Ахрэмаўцах выканана ў стылі рэтраспектыўнай готыкі. Гэта цагляны будынак прамавугольнай формы з двухсхільным дахам. Фасад упрыгожваюць дзве вежкі і ступеньчаты атык. Будынак вылучаецца акном-ружай, характэрным для гатычных пабудоў. Шпілі з крыжамі ўзвышаюцца над вежкамі, а стральчатыя вокны асвятляюць залу.

Капліца ў Ахрэмаўцах нагадвае сярэднявечны храм. Каб пераканацца ў гэтым, варта наведаць гэтае месца і атрымаць асалоду ад шпацырам у мінулае. Капліца-пахавальня Хрыста Збавіцеля дзівіць сваёй веліччу і прыгажосцю, ня пакідаючы абыякавым ні аднаго турыста.