Возера «Божае вока».

Імя возера далі мясцовыя жыхары. У народзе яго яшчэ называюць Возера Чортава Вока. Дзіўна тое, што на працягу доўгага часу берагавая лінія возера застаецца сталай і возера не мяняе сваёй формы. Існуе некалькі гіпотэз па ўзнікненні дадзенага возера. Магчыма, яно ўзнікла ў выніку раставання ледніка і наступных геалагічных працэсаў, а магчыма катлавіна возера была ўтворана пры падзенні метэарыта.

Вада ў возеры чыстая і празрыстая. У ёй адлюстроўваецца ўся прыродная прыгажосць навакольнага свету: неба, мудрагелістыя аблокі, сонца, лес. І гэта праўда нагадвае вока!

Возера лічыцца даволі глыбокім, вада ў ім лядоўня і купанне ў ім не рэкамендуецца. Ды і да вады падыход абцяжараны: тут стромкія спускі і гразкі бераг, зарослы трыснёгам і чаротамі. Найлепшы від на возера адкрываецца з недалёка размешчанай ад яго назіральнай пляцоўкі на ўзгорку: чым вышэй залазіць, тым цікавей яго разглядаць - возера паўстае перад намі, як на далоні.

Возера Божае Вока з'яўляецца даволі папулярным сярод турыстаў. Яго наведванне ўваходзіць у шэраг экскурсійных маршрутаў па такім вядомым краі азёр як Браслаўшчына.

Гэта возера вабіць сваёй незвычайнасцю і загадкавасцю. Тут можна адасобіцца і запаволіцца, падыхаць чыстым паветрам, атрымаць асалоду ад першароднай прыроднай прыгажосцю. Таксама на гэтай незвычайнай лакацыі можна зрабіць цікавыя здымкі.

З супрацьлеглага боку дарогі размешчаны помнік археалогіі 11 стагоддзя Масковічы. Гэтае гарадзішча вікінгаў, якое ляжала на шляху «З варагаў у грэкі, а пазней тут узнікла крэпасць палачан, якія называліся полацкія крывічы.