Задарожжа. Касцёл Найсвяцейшай Дзевы Марыі Ласкавай.

У 1601 годзе дзякуючы каралю Жыгімонту 3 у Задарожжы быў пабудаваны драўляны касцёл. У 1733 годзе з-за яго драхласці касцёл быў перабудаваны нанова. У 1902 годзе драўляны храм згарэў. Так як у мясцовай парафіі была вялікая колькасць вернікаў, было прынята рашэнне адрадзіць святыню.

Задарожскі Касцёл Найсвяцейшай Панны Марыі ласкавай-гэта ўнікальны архітэктурны будынак у неагатычным стылі. Гэты храм быў адноўлены ў 1910 годзе з цэглы пасля пажару, які знішчыў папярэдні драўляны будынак. Гэта аднаўленне стала важным крокам у захаванні культурнай спадчыны рэгіёна. Архітэктурныя элементы неаготыкі, такія як вострыя аркі, вітражы і дэкаратыўныя дэталі, надаюць будынку велічны выгляд і ствараюць атмасферу духоўнасці.

Касцёл не толькі служыць месцам для набажэнстваў, але і з'яўляецца значнай гістарычнай і культурнай славутасцю, якая прываблівае турыстаў і паломнікаў. Яго архітэктурная Прыгажосць і гістарычная каштоўнасць робяць яго важнай часткай спадчыны Задарожжа. 

У гэтым касцёле хрысцілі беларускага палітыка Вацлава Ластоўскага. Таксама па суседстве з Касцёлам жылі сваякі пісьменніка Аляксандра Грына, якія пахаваныя сёння каля храма.

Прыгожы касцёл з велічнай архітэктурай мае на сваёй тэрыторыі добраўпарадкаваны сад і знаходзіцца ў ўзрушаюча прыгожым месцы: побач знаходзіцца Вялікае маляўнічае возера. Сярод святынь храма тут захоўваецца каштоўная ікона Маці Божай Беззаганнай 17-га стагоддзя, што робіць яго месцам асаблівага духоўнага значэння. Вельмі душэўнае і духоўнае месца, якое варта наведаць...