Мінск. Езуіцкі калегіум.

     У Мінску на плошчы Свабоды знаходзіцца будынак былога езуіцкага калегіума. Калегіум уваходзіў у архітэктурны комплекс езуіцкага кляштара, дзе былі касцёл Дзевы Марыі, будынак школы і гаспадарчыя будынкі.

        Будынкі былі ўзведзены ў канцы 17 - пачатку 18-га стагоддзя ў стылі барока. Дом калегіума быў каменны і двухпавярховы. У часы Вялікага Княства Літоўскага і Рэчы Паспалітай у Мінску самую лепшую адукацыю давалі менавіта езуіты. Яны навучалі бясплатна і бралі да сябе вучняў усіх хрысціянскіх канфесій.

      Езуіты прыйшлі ў Мінск у сярэдзіне 17-га стагоддзя. Іх першы спонсар быў Смаленскі біскуп Геранім Сангушка, які набыў для езуітаў драўляную капліцу і каменную сядзібу на верхнім рынку. Да 1686 года Езуіты ў Мінску мелі статус місіі. Пазней статус рэзідэнцыі. З 1714 года статус калегіума.

       Будынак езуіцкай школы быў пабудаваны ў 1699 годзе - мураваны двухпавярховы будынак. Побач з калегіюмам у 1710 годзе асвяцілі каталіцкі касцёл Дзевы Марыі. Архітэктурны комплекс будаваўся на працягу ўсяго 18-га стагоддзя.

    У езуіцкім калегіуме выкладалі ў гэты перыяд: метафізіку, логіку, фізіку, рыторыку, паэзію, тэалогію, граматыку і іншыя навукі. Пры ўстанове працаваў тэатр і бібліятэка.

        У канцы 18-га стагоддзя ў часы Расійскай імперыі ў будынку пачаў працаваць Дом губернатара. Потым тут працавалі прысутныя месцы і гарадская дума. У савецкія часы ў першыя гады савецкай улады ў будынку размяшчаўся ЦВК БССР і тут працавалі многія выбітныя беларускія нацыянальныя дзеячы, і ў тым ліку Аляксандр Чарвякоў і Цішка Гартны.

     Зараз у будынку знаходзіцца музычны каледж.