Мінск. Дом Ліўшыца.

     У горадзе Мінску па вуліцы Інтэрнацыянальнай пабудаваны ў стылі мадэрн Дом Ліўшыца. Будынак узведзены ў 1890 годзе як прыбытковы дом. У 1913 годзе будынак значна быў перабудаваны.

        У ранейшыя часы вуліца Інтэрнацыянальная называлася спачатку Зборнай - у перыяд Вялікага Княства Літоўскага, а ў часы Расійскай імперыі - Турэмная, і пазней Праабражэнская.

У другой палове 19-га стагоддзя на гэтым участку зямлі былі драўляныя будынкі, іх знішчыў пажар у 1881 годзе. У 1890 годзе купец Рубінштэйн Гілель пабудаваў на гэтым месцы жылы будынак, які быў двухпавярховым з праязной аркай на першым паверсе. На мяжы 19-20 стагоддзяў узведзены флігель і гаспадарчыя пабудовы.

        Мінскі купец Саламон Ліўшыц у 1907 годзе набыў усе гэтыя пабудовы, якія выкарыстоўваліся пад жылыя кватэры. У флігелі была майстэрня слесара і жылыя кватэры.

      У 1913 годзе будынак значна перабудавалі і змянілі. Быў надбудаваны трэці паверх і зменены архітэктурны выгляд параднага фасада. План перабудовы быў зацверджаны гарадской управай, і на франтоне да нашага часу захавалася дата з выявай "1913".

        Пасля рэвалюцыі дом быў нацыяналізаваны і выкарыстоўваўся пад адміністрацыйныя ўстановы.