Жукойні Жалядскія. Касцёл Маці Божай Шкаплернай

У Астравецкім раёне ў мястэчку з незвычайнай назвай Жукойні Жалядскія ёсць каталіцкі касцёл Маці Божай Шкаплернай. Назва мястэчка мае балцкае паходжанне. Першы касцёл у мястэчку быў пабудаваны яшчэ ў часы Вялікага княства Літоўскага ў 1622 годзе.

 Новы храм быў узведзены ў часы Расійскай імперыі ў 1820 годзе.

Затым касцёл перадалі праваслаўным вернікам і перабудавалі пад царкву. У 1908 годзе адбыўся пажар і будынак быў знішчаны агнём. На тым жа месцы ў 1912 годзе пабудавалі новую мураваную царкву. У 1914 годзе храм перадалі каталіцкім вернікам.

 Пачалася рэканструкцыя будынка, якая працягвалася з 1914 года па 1918 год. Перабудавалі храм досыць значна: алтар перанеслі з усходу на захад, былую царкву пераабсталявалі пад прэсбітэрый да якога зрабілі прыбудову, а над уваходам была ўсталявана фісгармонія на хорах. Побач з храмам пабудавалі званіцу на якой ўсталявалі звон па фундацыі Гасперскага.  

У савецкія часы пасля Вялікай Айчыннай вайны касцёл зачынілі з 1947 года. Вярнулі святыню каталіцкім  вернікам  у 1990 годзе.

 Помнік узведзены ў стылі гістарызму. Асноўны мураваны аб'ём пастаўлены на высокі каменны падмурак. Храм накрыты двкхсхільным дахам.