Мінск. Тэатр Оперы і балета

Тэатар оперы і балету быў пабудаваны па праекту вядомага архітэктара Іосіфа Лангбарда. Спачатку быў праведзены архітэктурны конкурс на пабудову тэатра ў Мінску у якім прынялі ўдзел вядомыя савецкія архітэктары. І першапачаткова меркавалася, што будынак будзе будавацца па праекту архітэктвра Георгія Лаўрова. Але абралі варыянт І. Лагбарда. У чэрвені 1933 года ў дзень святкавання вызвалення Беларусі ад белапалякаў на плошчы Парыжскай камуны ўрачыста адбылася закладка будынка тэатра. Паводле легенды месца для тэатра было абрана беларускай опернай спявачкай Ларысай Александроўскай. Завяршылася будаўніцтва тэатра толькі ў 1938 годзе. Будынак пабудаваны ў стылі савецкага канструктывізму з некаторымі элементамі ар – дэко. Але тэатр пабудаваны быў па спрошчанаму праекту з мінімальным аздабленнем і дэкорам. Урачыстае адкрыццё адбылося ў маі 1939 года прэм’ерай оперы кампазітара Яўгена Цікоцкага “Міхась Падгорны”. На новай сцэне першым балетным спектаклем з пастаноўкай знакамітага харэографа К. Галейзоўскага быў “Бахчысарайскі фантан”, які адкрыў новы сезон. Пасля вайны будынак тэатра некалькі разоў рэстаўраваўся і мадэрнізіраваўся. Апошняя значная рэканструкцыя адбылася ў 2006 -2009 годах, калі будынку быў нададзены першапачатковы варыянт І. Лангбарда. У будынку тэатра можна замовіць экскурсію, пад час якой вы пабываеце на сцэне, за кулісамі, вас завядуць таксама і пад сцэну і распавядуць пра тэхнічныя магчымасці сучаснага абсталявання тэатра.