Мінск. "Сад вершаў".

"Сад вершаў" размешчаны паміж вуліцамі Алібегава, Льва Сапегі, Янкі Брыля і праспектам Дзяржынскага. Некалі цяжкапраходная тэрыторыя ператвараецца ва ўтульную зону адпачынку, якая спалучае прыроду, сучасны дызайн і беларускі каларыт. Адметнасцю парку з'яўляецца Беларуская літаратура.

Ля ўваходу наведвальнікаў сустракае Алея вершаў - цэнтральны элемент парку. Тут можна прагуляцца сярод вялізных паэтычных радкоў, знаёмячыся з творчасцю беларускіх аўтараў, такіх як Янка Купала, Якуб Колас, Максім Багдановіч, Алаіза Пашкевіч і іншыя. Канструкцыя гарманічна ўпісваецца ў навакольны пейзаж, ствараючы атмасферу спакою і рэлаксацыі.

У парку ўсё працята духам літаратуры. Нават лаўкі тут аформлены ў літаратурнай тэматыцы! Па шляху да дзіцячай пляцоўкі можна ўбачыць вулічную бібліятэку.

Для аматараў актыўнага адпачынку ўладкаваны дагледжаныя веласіпедныя дарожкі і лясныя сцежкі. Сустракаецца нават памп-трэк і сучасныя спартыўныя трэнажоры.

Для дзяцей створаны дзве дзіцячыя пляцоўкі: адна - вялікая, з горкамі, лазалкамі, пераходамі і паласой перашкод, дзе замест пясочніцы-чысты дробны пясок;

другая пляцоўка - паменш, прызначана для малых, з асобнай альтанкай для пікніка. Таксама добраўпарадкавана зона з арэлямі.

У парку няма лесвіц. Створана безбар'ернае асяроддзе, што робіць прагулкі з каляскамі, роварамі і іншым транспартам камфортнымі.

Парк яшчэ знаходзіцца на стадыі рэканструкцыі і пакуль адкрыта толькі невялікая яго частка. Схему парку можна ўбачыць на карце ля ўваходу.

"Сад вершаў" - выдатнае месца для сямейнага адпачынку. Тут спалучаюцца прыгожая прырода, ціхія зоны адпачынку, вясёлыя дзіцячыя пляцоўкі і культурная атмасфера.