Мінск. Кальварыйскія могілкі.
Мемарыяльны комплекс
Беларусь, Мінская вобласць, г. Мінск, вул. Кальварыйская, 45.
Апісанне
У Мінску захавалася толькі некалькі старадаўніх могілак. Кальварыйскія могілкі, якія на дадзены момант з'яўляюцца найстарэйшымі ў Мінску, маюць вялікую гістарычную і культурную каштоўнасць. Спачатку тут хавалі толькі каталікоў, а затым прадстаўнікоў усіх канфесій. Крыжаўзвіжанская царква пабудавана ў цэнтры могілак у 19 стагоддзі. Тут знаходзіцца больш за 30 тысяч пахаванняў, сярод якіх ёсць і вядомыя беларускія мастакі, пісьменнікі і паэты.
Катэгорыі
Гістарычнае
Помнік архітэктуры
Літаратурны
Каментары
Нататкі да месца
1Алег Дзьячкоу
30.09.2024
Кальварыйскія могілкі.
Недалёка ад гістарычнага цэнтра Мінска захаваліся старадаўнія Кальварыйскія могілкі. У народзе называецца Кальварыя, або Кальварыйскае прадмесце. Назва Кальварыя перакладаецца з лацінскай мовы як чэрап, або лысая гара, Calvaria – Галгофа.
Пры ўваходзе на могілкі мы спачатку праходзім праз мураваную браму, якая пабудавана ў 1830 годзе на сродкі гісторыка Юрыя Кабылянскага. Пад адной з апор брамы пахавана яго жонка Юзэфа. Брама пабудавана ў стылі класіцызму і аздоблена дэкорам.
Архітэктурнай дамінантай Кальварыi з'яўляецца касцёл Узвіжэння Святога Крыжа, у якім пахаваны вядомы беларускі, польскі і літоўскі мастак Ян Дамель (1780 – 1840), яскравы прадстаўнік мастацкай школы Віленскага ўніверсітэта.
Касцёл будуецца ў 1839 – 1841 гадах у неагатычным стылі. У савецкі час, калі ўсе касцёлы Мінска былі зачынены – гэты касцёл быў адзіным, які працаваў для вернікаў. Касцёл аднанефны з прамавугольнай апсідай.
На Кальварыі маецца больш за 30 тысяч пахаванняў. Захаваліся старадаўнія капліцы. На Кальварыі пахаваны народны паэт Ніл Гілевіч, гісторык Генадзь Кісялёў, паэт Алесь Пісьмянкоў і многія іншыя вядомыя дзеячы.