Кобрын. Сінагога.

Па гістарычных звестках сінагога была пабудавана ў другой палове 19 стагоддзя, раней чым касцёл і многія цэрквы ў Кобрыне.

Вядома, што да 1941 года больш за палову насельніцтва горада складалі яўрэі. Тут было 7 дзеючых сінагог, былі адкрыты спецыяльныя школы для яўрэяў з выкладаннем на ідыш і іўрыце.

Аднак, у гады вайны фашысты сагналі сюды з усіх бліжэйшых акруг усё яўрэйскае насельніцтва. Каля сцен сінагогі яны рабілі растрэл людзей. Гэтая сінагога - адзіная з сямі сінагог, якая ацалела пасля вайны. Па канчатку вайны, нажаль, яна так і не стала дзейснай. Улады вывезлі каштоўную маёмасць і загадалі закрыць сінагогу.

У 80-х гадах часова тут арганізавалі цэх па вытворчасці піва і безалкагольных напояў Кобрынскага кансервавага завода.

З канца 80-х гадоў будынак перастаў выкарыстоўвацца, і ўсё больш прыходзіць у заняпад і разбураецца.

Іудзейская рэлігійная абшчына г. Кобрына спрабавала займацца пытаннямі рэстаўрацыі сінагогі. Аднак, з прычыны вялікага кошту работ па аднаўленні, праект да гэтага часу застаецца нерэалізаваным. Для рэканструкцыі патрэбны спонсары.