Кобрын. Касцёл Унебаўзяцця Найсвяцейшай Панны Марыі.

Кобрынскі храм Унебаўзяцця Найсвяцейшай Панны Марыі быў пабудаваны з каменя. Яго будаўніцтва ажыццяўлялася дзякуючы ахвяраванням прыхаджан і вялося з 1841 па 1843 год.

У 1864 г. знакаміты мастак Напалеон Орда наведваў гэты касцёл. Пасля ён маляваў яго на сваіх малюнках.

Касцёл дзейнічаў падчас Вялікай Айчыннай вайны. Дзіўным чынам ён захаваўся і не пацярпеў за гэтыя гады.

У 1962 годзе рашэннем савецкіх уладаў касцёл быў зачынены і аж да 1990 года не выкарыстоўваўся. Часова тут арганізавалі склад і паступова касцёл прыходзіў у запусценне. У 1990 годзе яго вярнулі вернікам, правялі рэканструкцыю.

На тэрыторыі размяшчаюцца могілкі, на якіх 13 верасня 2008 года адбылося перапахаванне польскіх салдат, якія загінулі ў 1939 годзе. Аб падзеях, якія адбываюцца тут у той год, знялі фільм «Зваротны адлік. Бітва за Кобрын» https://youtu.be/gfvJ2sD__eM?si=NYQjaDtr0G0gk3c7 ).

Вельмі прыгожы і велічны касцёл з вялікай дагледжанай тэрыторыяй.! Прыцягваюць увагу разьбяныя драўляныя фігуры святых у нішах. У самім касцёле можна ўбачыць цудатворны абраз Збавіцеля.

На могілках, размешчаных недалёка ад касцёла Унебаўзяцця Найсвяцейшай Панны Марыі, можна ўбачыць магілу малодшага брата паэта Адама Міцкевіча. Пісьменнік і правазнаўца Аляксандр Міцкевіч купіў у Кобрыне маёнтак, які належыць Сувораву А.У., быў пахаваны тут у 1871 годзе.