Дудаковічы. Пакроўская царква

Невялікае мястэчка Дудаковічы вядомае з 16 стагоддзя. Калісці тут быў каталіцкі кляштар, які да нашага часу не захаваўся. На ўзвышшы з правага боку мястэчка, як ехаць з Круглага, з далёк бачныя парэшткі праваслаўнай Святога Пакроўскай царквы.

Храм у гонар Святых Пакравоў быў пабудаваны ў другой палове 19 стагоддзя. Помнік архітэктуры ўзведзены ў псеўда – рускім стылі, які ў той час быў модны на тэрыторыі Расійскай імперыі. Царква пабудавана па тыпавому праекту, то есть, дакладна такія ж цэрквы будаваліся ва многіх рэгіёнах імперыі.

 Храм мае цэнтрычны кубападобны аб'ём, які завяршае васьмігранны светлавы шатровы барабан. Дэкаратыўная пластыка насычае архітэктуру ўсяго будынка: прамавугольныя нішы, аркатурныя фрызы, па вуглам калонкі – бочкі. Галоўны партал аздоблены рызалітам. Такім жа рызалітам аформлена і апсіда з усходняга боку. Бакавыя ўваходы таксама аформлены ў выглядзе парталаў.   У інтэр'еры над сяродкрыжжам усталяваны светлавы барабан, які трымаецца на чатырох магутных слупах. Царква была распісана каляровымі фрэскамі.

У савецкія часы храм зачынілі і прыстасавалі пад склад. Паступова будынак прыйшоў у заняпад і пачаў развальвацца. Фрэскі асыпаюцца. Помнік знаходзіцца ў занядбаным стане.