Слаўгарад. Паштовая станцыя і гісторыка – краязнаўчы музей.

Доўгі час старадаўні горад Слаўгарад быў без краязнаўчага музея. І музей меркавалася стварыць у будынку былой паштовай станцыі 19 стагоддзя. У 2015 годзе «Слаўгарадскі раённы гісторыка – краязнаўчы музей» адчыніў свае дзверы для наведвальнікаў у сучасным будынку каля паштовай станцыі. У музеі працуе некалькі залаў, дзе вы можаце пабачыць помнікі археалогіі, этнаграфіі, вялікую калекцыю гістарычных артэфактаў, прысвечаную Вялікай айчыннай вайне. Асобны раздзел займае экспазіцыя, якая нам распавядае аб Чарнобыльскай катастрофе і страчаных вёсках. Бо Слаўгарадскі раён моцна пацярпеў у час Чарнабыльскай катастрофы ў 1986 годзе і многія вёскі былі выселены ў чыстыя раёны Беларусі. Супрацоўнікі музея сабралі цікавую калекцыю рушнікоў і сялянскага быту. Бо сялянская традыцыйная беларуская культура ўжо амаль сышла ў нябыт і каштоўныя экспанаты музея нам дадуць уяўленне, як жылі беларусы на Прапойшчыне сотні год таму. Калісці Слаўгарад, да 1945 года, называўся Прапойскам.

Перад музеям знаходзіцца будынак паштовай станцыі 19 стагоддзя, якая будавалася на паштовым тракце Масква – Варшава. Будынак узведзены па тыпавому праекту. У будучым паштовую станцыю плануецца адрэстаўраваць і зрабіць філіялам музея.