Парыж. Копія Эйфелевай вежы.

Аграгарадок Парыж можна наведаць пры падарожжы па найбліжэйшых ваколіцах у Пастаўскім раёне Віцебскай вобласці.

Існуе легенда, па якой сваю назву вёска атрымала ад салдат французскай арміі ці нават ад самога Напалеона, калі яны былі тут падчас Айчыннай вайны 1812 года і хто-небудзь з іх сказаў «прыгожа, як у Парыжы». Па іншай версіі, такую назву даў мясцовасці тутэйшы памешчык.  

У савецкія гады Парыж быў перайменаваны ў Навадруцк. Па шматлікіх просьбах жыхароў вёскі, 16 чэрвеня 2006 года мястэчка было вернута гістарычная назва.

Тут ёсць копія сусветна вядомай славутасці. Мясцовая Эйфелева вежа цёмнага колеру вышынёй у 30 метраў бачная здалёк. Дзіўна, але на ёй ёсць назіральная пляцоўка, з вяршыні якой адкрываецца нядрэнны від на ўсю мясцовасць. На вяршыні вежы ўсталяваны крыж. Вежа была тут узведзена мясцовымі электрасеткамі дзякуючы задумцы ксяндза і пробашча касцёла ў суседняй вёсцы Мосар - Юозаса Булькі. Каля Эйфелевай вежы знаходзяцца скульптуры Панны Марыі і анёлаў, сажалка з альтанкай.

Недалёка ад галоўнай славутасці вёскі знаходзіцца касцёл Святога Язэпа рамесніка. Ён быў перабудаваны з сельскай крамы па ініцыятыве Юозаса Булькі. Будынак практычна не змяніў свой першапачатковы выгляд, на даху толькі з'явілася драўляная вежка.

У цэлым прыкольна. Тут можна ўзлезці на мясцовую вежу, сфатаграфавацца побач з таблічкай з назвай населенага пункта, а таксама ўсміхнуцца з надпісу "Парыжскі сельскі дом культуры".