Ашмяны. Абласны гісторыка-краязнаўчы музей.

Ашмянскі краязнаўчы музей імя Францішка Багушэвіча размешчаны ў самым цэнтры Ашмян на вуліцы Савецкай. У музея даўняя гісторыя - ён быў заснаваны 70 гадоў таму. Установа працуе ў прыгожым старажытным будынку на былой гандлёвай плошчы. Побач, праз дарогу, царква Міхала Арханёла і праваслаўная Васкрасенская царква. Адразу за музеем знаходзіцца сінагога XIX стагоддзя, якая зараз рэстаўруецца і з'яўляецца філіялам музея.

У экспазіцыі музея прадстаўлены розныя гістарычныя артэфакты, якія расказваюць нам пра гісторыю Ашмянскага краю і нашай краіны – Рэспублікі Беларусь. У музеі экспануюцца археалагічныя знаходкі, нумізматычная калекцыя ўключае манеты часоў Вялікага княства Літоўскага і Рэчы Паспалітай XVI-XVIII стагоддзяў. Значную частку музея займаюць вырабы народных майстроў: ручнікі, кераміка, народныя строі. Маецца вялікая калекцыя фатаграфій і карт. Вы ўбачыце сучасную рэканструкцыю гістарычнага цэнтра Ашмян з абазначэннем старых вуліц і будынкаў. Пры музеі працуе карцінная галерэя, створаная дзякуючы прэзідэнту Міжнароднай асацыяцыі "Мастацтва народаў свету", які ў 2010 годзе перадаў у дар музею 431 твор мастацтва.

Ашмянскі музей названы ў гонар класіка беларускай літаратуры Францішка Багушэвіча, які родам з Ашмянскага раёна. У музеі экспануюцца асабістыя рэчы пісьменніка.

Філіялам музея таксама з'яўляецца Гальшанскі замак 17 стагоддзя, які адчыніў свае дзверы для наведвальнікаў некалькі гадоў таму назад пасля рэстаўрацыі.