Мазыр. Касцёл Міхаіла Архангела.

У 18 стагоддзі горад Мазыр быў буйным рэлігійным цэнтрам на поўдні Беларусі і тут дзейнічала некалькі каталіцкіх культавых устаноў. На правым беразе ракі Прыпяць у так званай “Анёльскай даліне” па вуліцы Гогаля быў пабудаваны касцёл і кляштар. Першы касцёл быў яшчэ драўляны і заснаваны ў 1610 годзе. Магнат Казімір Сапега ахвяраваў кляштару 30 тысяч злотых.  Касцёл Міхаіла Арханёла і кляштар належылі цыстэрцыянам быў заснаваны ў 1711 годзе , а пабудаваны мураваны будынак ужо ў 1744 годзе па фундацыі  падчашага кіеўскага Жыгімонта Шукшты і жонкі мазырскага земскага пісара Соф’і Камароўскай па ініцыятыве ксяндза Бенедыкта Ражанскага. Пры касцёле існавала школа, дзе ў 1809 годзе навучалася 28 дзяўчат. Напрыканцы 19 стагоддзя будынкі былі перададзены праваслаўным. У савецкі час будынкі выкарыстоўваліся пад музычнае вучылішча. Зараз касцёл вернуты каталіцкім вернікам. Касцёл быў пабудаваны аднанефным храмам, які перакрыты крыжастымі скляпеннямі з сценамі таўшчынёй паўтара метра. Інтэр’ер будынка ў 19 стагоддзі быў распісаны фрэскамі па матывам гісторыі ордэна цыстэрцыянак. Роспісы не захаваліся.