Мінск. Музей пахаў "Нос".

Гэта самы незвычайны музэй, які мы наведвалі. У музеі пахаў "Нос" сабраны сотні разнастайных водараў. Тут можна ўспомніць водары з дзяцінства, а таксама адкрыць для сябе новыя пахі ў парфумерным свеце. Ды і наогул тут можна даведацца вельмі шмат новага аб свеце пахаў.

Галоўныя ідэя музея - нагадаць сваім наведвальнікам аб важнасці пахаў у жыцці.

Цікава, што некаторыя пахі ў музеі прадстаўлены асацыятыўнай выявай праз музыку, карціны і прадметы. Напрыклад, экспазіцыя Чатыры стыхіі, у стварэнні якой працавалі мастак, дыджэй, парфумер. Мастак стварыла карціны, якія паказваюць агонь, ваду, зямлю і паветра. Прадзюсар і дыджэй запісаў гукі прыроды, а парфумер і ароматэрапеўт падабрала адпаведныя водары.

Таксама ў музеі можна даведацца з якімі пахамі ў многіх асацыюецца Беларусь, якое абсталяванне выкарыстоўваецца для стварэння эфірных алеяў, як працавалі парфумеры мінулых стагоддзяў. Яшчэ можна праверыць сябе на веданне тых ці іншых пахаў - паспрабаваць адгадаць водары ў засакрэчаных прабірках.

Акрамя экскурсій у музеі часта праходзяць розныя майстар-класы і лекцыі. Можна запісацца на спецыяльна занятак з парфумерам і стварыць свой асабісты водар.