Канічы. Касцёл

Калісці Канічы былі вялікім мястэчкам, дзе віравла жыццё. Свой маёнтак тут мелі Цеханавецкія, якія валодалі вялікімі зямельнымі ўладаннямі на усходзе Беларусі. Першы касцёл у Канічах узгадваецца яшчэ ў пачатку 19 стагоддзя. Па фундацыі Цеханавецкіх у пачатку 20 стагоддзя будуецца вялізны па тутэйшым масштабам каталіцкі касцёл, які асвяцілі ў гонар Святых Анёлаў Ахоўнікаў. Касцёл пачалі будаваць у 1900 – м годзе над мгільным склепам магнатаў Цеханавецкіх і завершаны храм быў у 1910 годзе. Галоўны фасад упрыгожвалі дзве масіўныя чатырохгранныя вежы.  Інтэр'еры касцёла былі багата аздоблены з выкарыстаннем вітражоў і фрэсак. Меўся ў касцёле свой арган, які па сведчанні мясцовых жыхароў у час вайны быў вывезены гітлераўскімі захопнікамі. У пасляваенны час мясцоваму калгасу патрабаваўся будаўнічы матэрыял і з дапамогай трактароў спрабавалі руйнаваць сцены – але нічога з гэтага не атрымалася… Касцёл быў пабудаваны вельмі якасна і сцены аказаліся дужа трывалымі. Недалёка ад касцёла захаваўся будынак мясцовага бровару, які таксама будаваўся на сродкі Цеханавецкіх. Бровар мураваны, з чырвонай цэглы. Яшчэ 30 год таму выкарыстоўваўся мясцовым калгасам, а зараз, як і касцёл прыйшоў у заняпад.