Гродна. Помнік дойлiду.

У горадзе Гродна на вуліцы Элаізы Ажэшка, якая з'яўляецца адной з самых старажытных і прыгожых вуліц горада ёсць некалькі помнікаў і памятных шыльдаў, якія прысвечаны выбітным дзеячам і падзеям.

У 2008 годзе была ўсталявана скульптура «Дойлiд Гарадніцы». Бронзавая скульптура створана Аляксандрам Анціпіным, які казаў, што вобраз скульптуры сабірацельны.

У гэтым раёне ў другой палове 18-га стагоддзя ў часы Вялікага Княства Літоўскага быў створаны на ўскрайку Гродна цэлы новы квартал Гарадніца, які ствараўся, як культурна–прамысловы цэнтр на паўтары тысячы чалавек. Будаўніцтва вялося па праекту архітэктараў Іагана Мёзера і Джузэпэ Сака. Гарадніца будавалася па ініцыятыве Анітонія Тызенгаўза (1733 – 1785) – вядомага палітычнага і грамадскага дзеяча, мецэната і старасты горада Гродна.

Лічыцца, што скульптура «Дойлiд Гарадніцы» - гэта выява вядомага тагачаснага архітэктара Джузэпэ дэ Сака (1735 – 1798). Архітэктар нарадзіўся ў Італіі. Працавў у стылі барока і класіцызму. Быў запрошаны працаваць у Гродна, дзе кіраваў будаўніцтвам пры А. Тызенгаўзе.

Прыязжае архітэктар у Гродна ў 1771 годзе, дзе быў залічаны паручнікам воінскага гарнізона ў Гродна і прызначаецца на пасаду архітэктара «Яго каралеўскай Вялікасці» караля Рэчы Паспалітай Станіслава Аўгуста Панятоўскага.

Пад наглядам Сака будаваліся каралеўскія мануфактуры ў Гродна, перабудоўваўся новы каралеўскі замак і рэалізоўваліся многія іншыя праекты ў горадзе і на Беларусі. Пахаваны ў Гродна на Каталіцкіх фарных могілках.