Гарадзілава. Парк Пузынаў

Калі ў мястэчку Гарадзілава пад'едзеце па цэнтральнай вуліцы да царквы 19-га стагоддзя Святога Язэпа, то недалёка ўбачыце скрыжаванне дарог і вуліцу Паркавую, якая вядзе да парку маёнтка Пузынаў.

Маёнтак належаў Пузынам у 19 стагоддзі. А да іх тут было некалькі гаспадароў. Палац быў драўляны аднапавярховы і да нашага часу не захаваўся. А ў самым цэнтры мястэчка ёсць парк з возерам, ледніком і двума каменнымі львамі. Па адной версіі-гэтых львоў прывезлі сюды з іншай сядзібы, а па іншай – што яны з маёнтка Пузынаў.

У 19 стагоддзі гэтая сядзіба Пузынаў была важнай культурнай асяроддзем у гэтым краі. Тут жыла вядомая пісьменніца і паэтка, мемуарыстка Габрыэля Альбіна Гюнтэр (1815 – 1869), якая ў 1851 годзе выйшла замуж за Тадэвуша Пузына і пераехала жыць у яго маёнтак Гарадзілава. Тут яна стварыла літаратурны салон. Сабрала вялікую бібліятэку і калекцыю мастацкіх твораў. Сюды ў Гарадзілава да яе прыязджалі ў госці вядомыя мастакі і пісьменнікі, грамадскія дзеячы: кампазітар Станіслаў Манюшка, паэт Уладзіслаў Сыракомля, сын Адама Міцкевіча Уладзіслаў Міцкевіч і многія іншыя.

Пісаць вершы Габрыэля пачала з 12 гадоў і пісала свае творы на польскай мове. Выдала некалькі сваіх зборнікаў. У канцы жыцця напісала мемуары.

Зараз у парку знаходзіцца некалькі сцяжынак для прагулак, ледавік і невялікае возера. На ўскраіне парку створаны спартыўны стадыён. За стадыёнам захавалася водная сістэма былой сядзібы: некалькі азёр з воднымі каналамі.