Віцебск. Летні амфітэатр

Калі вы будзеце ў Віцебску, то не прапусціце Летні амфітэатр, які размешчаны ў маляўнічай даліне. Першы Летні амфітэатр з'явіўся ў Віцебску напачатку XX стагоддзі. А гэты сучасны быў пабудаваны яшчэ за савецкім часам у 1988 годзе. Плошча сцэны складае 430 квадратных метраў і здольна адначасова размясціць амаль паўтары тысячы артыстаў. Гледачоў 6247 чалавек. Таксама ёсць 2 вялікія экраны для гледачоў. А для артыстаў ёсць зручныя грымёркі. На гэтай сцэне праводзяцца многія масавыя мерапрыемствы гарадскога і міжнароднага ўзроўню. Самы вядомы з іх - знакаміты фестываль "Славянскі базар", папярэднікам якога быў "Фестываль польскай песні ў Віцебску". Першы фестываль польскай песні прайшоў у ліпені 1988 года на высокім узроўні са шматлікімі гасцямі з Польшчы, а свае віншаванні ўдзельнікам фестывалю накіравалі тагачасныя лідэры краін Міхаіл Гарбачоў і Войцэх Ярузэльскі. А з 1992 года праводзіцца яшчэ адзін маштабны фестываль пад назвай "Славянскі базар". Гасцямі фестывалю сталі многія вядомыя выканаўцы з розных краін: Ала Пугачова, Сафія Ратару, Патрысія Каас, Аляксандр Рыбак, Лайма Вайкуле і многія іншыя.