Гідралагічны заказнік "Дубаўскі каскад азёр".

На працягу 14 км рака Вір злучае паміж сабой чатыры азёры - Драгачын, Усох, Плавун і Вяхава. Такі каскад азёр адзіны ў Магілёўскай вобласці. Сама рака Вір мае даўжыню ўсяго 20 км і ўпадае ў Бярэзіну.

Возера Драгачын размешчана за 3 км ад Бабруйска, плошча вадаёма складае 16 га. Найбольшая шырыня возера каля 90 м, даўжыня крыху больш за 2 км. Берагі возера часткова забалочаныя, заходні бераг высокі, парослы лесам.

У некалькі разоў большае возера Плавун, плошча якога складае 39 гектараў. Яно таксама выцягнута, даўжыня яго складае 4,7 км, а максімальная шырыня -130 м. Берагі яго высокія, на поўначы зарослыя лесам і хмызняком. возера злучана з ракой Вяхава.

Возера Вяхава размешчана каля вёскі Ступені. Гэта самае вялікае ў каскадзе возера. Даўжыня складае 11 км, а максімальная шырыня 750 м. Плошча возера 42 га. Яно праточнае, плыткае, схілы яго спадзістыя, забалочаныя, парослыя лесам і хмызняком. На возеры Вяхава можна не толькі добра адпачыць, але і папоўніць запас сваіх ведаў аб раслінах і жывёлах, занесеных у Чырвоную кнігу Рэспублікі Беларусь. Тут можна ўбачыць рэдкія расліны і птушак непасрэдна ў асяроддзі іх пасялення - бугай вялікі, касатык сібірскі.

Возера Усох усяго 13 га, яно сцёкавае. Схілы яго выдзелены на захадзе, парослыя лесам. Возера Усох злучаецца з азёрамі Драгачын і Плавун.

Сапрапелівыя адклады некаторых азёр выкарыстоўваюцца ў лячэбных мэтах. У азёрах насяляюць акунь, плотка, лешч, карась, шчупак, лін і іншыя віды рыб. На тэрыторыі заказніка знаходзяцца месцы рассялення і распаўсюджвання рэдкіх відаў жывёл і раслін, занесеных у Чырвоную кнігу Рэспублікі Беларусь і Міжнародную Чырвоную кнігу Саюза аховы прыроды. Гэта гарлачык белы, касатык сібірскай або касач, водная чарапаха, бугай вялікі. На тэрыторыі, прылеглай да азёр, знаходзіцца адно з рэдкіх месцаў, дзе расце папуляцыя рэдкай мядзведжай цыбулі - у народзе чарэмшыны. У заказніку растуць шырокалісцевыя лясныя масівы гаю дуба і клёну.

Турысты і адпачывальнікі з берагоў азёр любуюцца навакольнай прыродай і прыгажосцю тутэйшых месцаў, а экстрымалы падарожнічаюць па вадзе, а ўзімку па змёрзлых азёрах на лыжах.

Дубоўскі каскад азёр - гэтае сапраўднае ўпрыгожванне і скарбніца нашай беларускай прыроды. Проста неабходна палюбавацца гэтымі цудоўнымі прыгажосцямі!