Экасцежка "Паграбішчанскія крыніцы".

У Лагойскім раёне, на ўскраіне вёскі Паграбішча, у 2025 годзе адкрылася экалагічная сцежка «Паграбішчанскія крыніцы». Гэта не проста шпацыр па лесе, а сапраўднае падарожжа да ўнікальнага гідралагічнага помніка прыроды мясцовага значэння, створанага яшчэ ў 2008 годзе.

Маршрут працягласцю 1,2 км правядзе вас праз маляўнічы лес уздоўж ручая Макоўза-адной з самых кароткіх рэк Беларусі. Тут, у верхнім цячэнні, б'юць шматлікія крыніцы. Гэта тыповы гелакрэн: падземныя воды выходзяць на паверхню, утвараючы маляўнічыя забалочаныя багна (крэнапалi). Шырыня крынічных ручаёў дасягае 1 метра, глыбіня - 15-20 см, дно пясчанае з галькай.

Вада ў Паграбішчанскіх крыніцах адрозніваецца высокімі смакавымі якасцямі і чысцінёй. Тэмпература летам трымаецца на ўзроўні 8-9 °С. У ручаі захавалася ручаёвая фарэль, а ў фауне дамінуюць рэдкія насякомыя.

Уваход на маршрут сустракае прыгожай драўлянай аркай. Сцежка абсталявана драўляным мостам і пірсам для любавання краявідамі. Асаблівую цікавасць выклікаюць інтэрактыўныя пляцоўкі: тут можна зыграць на лясных музычных інструментах - ксілафоне і ўдарнай устаноўцы, а таксама даведацца пра мясцовую фауну. Стэнд "Лес-гэта не звалка!» наглядна паказвае, колькі гадоў раскладаецца пакінутае смецце. Ёсць месцы для адпачынку ў цішыні.

Ідэальнае месца для сямейнага адпачынку і экалагічнай асветы.