Віцебск. Зямельна-Сялянскі банк.

Будынак Пазямельна-сялянскага банка быў пабудаваны ў 1917 годзе  паводле праекта архітэктара К. Тарасава ў стылі мадэрн з элементамі псеўдарускага стыля. Нечым банк сабой нагадваў сярэднявечную крэпасць з масіўнай шырокай вежай. І  ў той жа час нешта казачна-незвычайнае надае знешняму выгляду гэтага збудавання дробныя дэкаратыўныя элементы: ліштвы акон у выглядзе какошнікаў, калоны-дынькі, буйны руст і іншае. Галоўны ўваход аздоблены кілепадобным франтонам , які ўпрыгжвае велічнае мазаічнае і маёлікавае пано з выявай герба Віцебскай губерніі. Будынак вас  вельмі ўразіць сваёй архітэктурай і масштабам. Але яго нельга, на вялікі жаль, назваць унікальным. У тыя часы на абшарах Расійскай імперыі ў падобным стылі даволі шмат такіх будынкаў стваралася. Старадаўні банк зараз  аддадзены пад Віцебскую дзяржаўную акадэмію ветэрынарнай медыцыны. Дарэчы, у ветакадэміі існуе свой цікавы музей, які таксама варта наведаць, тым больш, калі вы даўно ня бачылі скілетаў розных малых і вялізных жывёлаў, напрыклад слана.