Ляскавічы. Музей прыроды.

Ляскавіцкі музей прыроды і побыту — самы малады сярод беларускіх экалагічных музеяў. Прэзідэнт Беларусі наведаў гэтае месца ў 2010 годзе і паабяцаў мясцовым жыхарам ажыццявіць іх мару аб стварэнні музея. Будаўніцтва сучаснага будынка завяршылася за год.

У 2012 годзе, у рамках Другога фестывалю этнакультуры «Кліч Палесся», адбылося афіцыйнае адкрыццё музея.

Архітэктура будынка адрозніваецца арыгінальнасцю.

Экспазіцыі музея накіраваны на папулярызацыю аховы навакольнага асяроддзя і знаёмства з гісторыяй Нацыянальнага парку «Прыпяцкі».

У музеі ўсяго шэсць тэматычных залаў з разнастайнымі экспанатамі ад археалогіі да этнаграфіі.

Геалагічная экспазіцыя ўяўляе схему зводнага разрэзу Тураўскай геалагічнай свідравіны.

Зала археалогіі прадстаўляе на вывучэнне археалагічныя знаходкі з прыпяцкіх гарадзішчаў і распавядае пра першых людзей.

Зала гісторыі апавядае наведвальнікам гісторыю стварэння і развіцця нацыянальнага парку "Прыпяцкі", які мае тэрыторыю каля 190 тысяч гектараў.

Зала прыроды аформлены дыярамамі, пудзіламі, мастацкімі карцінамі. Тут можна азнаёміцца з рознымі відамі птушак, дзікіх звяроў, рыб.  

У зале этнаграфіі прадстаўлена рэалістычная імітацыя тыповага жылля палешука ў 19 стагоддзі, якая ўключае такія аўтэнтычныя бытавыя прадметы як калаўрот, рыбалоўныя снасці, дываны з вышыўкай і іншыя прыстасаванні.

Зала водных шляхоў ўяўляе карту водных шляхоў Палесся. Кожны з экскурсантаў зможа тут прайсц "з варагаў у грэкі".

У музеі таксама абсталявана канферэнц-зала на 100 месцаў, дзе праходзяць навуковыя канферэнцыі, семінары па экалогіі і розныя лекцыі. Для наведвальнікаў працуе сувенірная крама, дзе можна набыць розныя вырабы з керамікі, саломкі і лёну.