Веткаўскі музей стараабрадніцтва і беларускіх традыцый.

Музей у Ветцы быў утвораны дзякуючы намаганням мясцовага жыхара Фёдара Шклярава, які быў выхадцам з роду стараабраднікаў. Ён сабраў вялікую калекцыю разнастайных мясцовых старажытных прадметаў, стаўшы першым дырэктарам музея і сёння музей носіць яго імя.

На трох паверхах Веткаўскага музея захоўваецца каля 15 тысяч разнастайных прадметаў. Тут ёсць калекцыі унікальных стараабрадніцкіх ікон (каля 500 экспанатаў), рукапісных і старадрукаваных кніг, ручнікоў і традыцыйных касцюмаў, прадметаў побыту мясцовага насельніцтва. Пастаянныя экспазіцыі музея прадстаўляюць нам самабытныя экспанаты аб культуры праваслаўнай беларускай вёскі і стараверскай Веткі канца 17-18 стагоддзяў.

Пры музеі працуе рэстаўрацыйная майстэрня. І сёння супрацоўнікі Веткаўскага музея рэгулярна ўдзельнічаюць у навуковых даследаваннях, працягваючы вывучаць традыцыйную беларускую культуру. Па жаданні, за невялікі поплатак можна замовіць суправаджэнне экскурсавода па музеі або скарыстацца аўдыягідам.

Гэта вельмі цікавы музей з багатымі ўнікальнымі экспазіцыямі і выдатнымі экспанатамі. Вельмі цікавая тэма стараабрадніцтва, бо пра яго мала што вядома.

Тут прачынаецца цікавасць да культурнай спадчыны продкаў, жаданне вывучаць свой родны беларускі край і яго традыцыі! Абавязкова да наведвання)