Хойнікі. Сядзібна – паркавы ансамбль Аўраамавых

У самым цэнтры гарадка Хойнікі знаходзіцца парк з сядзібай Аўраамавых, або ўласніка яшчэ называюць у нікаторых крыніцах Абрагамавым. Сярод невялікага парку ўзвышаецца мураваны двухпавярховы дом з вежай і аднапавярховым корпусам. Будынак узведены ў пачатку 20 стагоддзя заможным купцом Андрэем Абрагамавым. Завершана будаўніцтва ў 1912 годзе аб чым нам паведамляюць памятная дата на фасадзе. У савецкія часы ў будынку знаходзіўся дзіцячы дом. У аздабленні фасадаў будынка выкарыстаны прыёмы класіцызма і рэнесансу, а таксама некаторыя матывы сярэднявечнай замкавай архітэктуры. Інтэр'ер з калідорнай планіроўкай, дзе вылучана парадная група памяшканняў.

А ў верасні 2010 года ў час святкавання ў Хойніках Дня беларускага пісьменства будынак перададзены гарадскому краязнаўчаму музею. Музей быў заснаваны яшчэ ў 1982 годзе. Сярод экспанатаў керамічныя вырабы 11 – 13 стагоддзяў , паліваная кераміка 17 – 18 стагоддзяў з раскопак Хойніцкага замка. Асобная экспазіцыя распавядае пра трагічныя старонкі Чарнобыльскай катастрофы, якія закранулі Хойцніцкі раён. Вакол сядзібы знаходзіцца невялікі парк з скульптурнай кампазіцыяй “Людзі на балоце”, паводле твора Івана Мележа. Народны пісьменнік І.Мележ родам з гэтых мясцін.