Рэчыца. Музей нафты.

Музей нафты ў Рэчыцы - гэта не проста збор экспанатаў, гэта гісторыя пра людзей, пра энтузіязм і пра важны этап у развіцці беларускай эканомікі. Музей з'яўляецца сапраўднай скарбніцай гісторыі беларускай нафтаздабычы.

Больш за паўстагоддзя таму, у ваколіцах горада, было выяўлена нафтавае радовішча, што стала адпраўной кропкай для стварэння аб'яднання "Беларуснафта" ў 1966 годзе. Экспазіцыя музея апавядае пра шлях станаўлення галіны.

Тут можна даведацца пра Міхаіла Грамыку, геолага, які прадказаў наяўнасць нафты ў Беларусі. Яго даследаванні, пачатыя ў 1930-х гадах, былі перапыненыя рэпрэсіямі, але яго справу працягнулі іншыя энтузіясты. Пасля вайны, дзякуючы ўпартасці і веры ў поспех, першая свідравіна пад Рэчыцай, нарэшце, дала нафту ў 1964 годзе, адкрыўшы Рэчыцкае радовішча.

У музеі прадстаўлены ўнікальныя экспанаты, якія ахопліваюць перыяд ад першых геалагічных пошукаў да сучаснага этапу развіцця "Беларуснафты" - міжнароднай энергетычнай кампаніі, якая працуе на трох кантынентах. Наведвальнікі могуць убачыць дакументы, фатаграфіі, а таксама мініяцюрныя мадэлі буравых установак, "качалак" і іншых аб'ектаў прадпрыемства. Значная частка экспазіцыі прадстаўлена ў віртуальным фармаце на мультымедыйных панэлях. Яны дазваляюць змясціць значна больш інфармацыі і пастаянна абнаўляць яе.

Музей нафты дае магчымасць гасцям "зазірнуць" у нафтавую свідравіну, а таксама прайсці сімвалічны абрад "прысвячэння ў нафтавікі". Наведвальнікі даведаюцца аб найбуйнейшых беларускіх радовішчах нафты, метадах іх выяўлення, прычынах няўдач пры засваенні ў савецкі перыяд. Экскурсанты знаёмяцца таксама з ключавымі этапамі нафтаздабычы і людзьмі, чыімі намаганнямі сёння забяспечваецца гадавы аб'ём здабычы ў 1,6-1,7 мільёна тон.

Гэтую пазнавальную экскурсію можна завяршыць у кафэ "Чорнае золата", размешчаным побач, дзе за па жаданні можна будзе паспрабаваць тэматычнае "Нафтавае меню" для стварэння атмасферы поўнага апускання ў тэму.