Заказель. Сядзіба Ажэшкаў.

У Драгічынскім раёне ёсць мястэчка Заказель, у якім знаходзіцца сядзіба роду Ажэшкаў. Упершыню ў гістарычных крыніцах ўпамінаецца ў 13 стагоддзі. Спачатку гэта было маёмасцю караля, а ў 18 стагоддзі перайшло да роду Ажэшка.

У гэты час мястэчка ўваходзіла ў склад Брэсцкага ваяводства. У часы Расійскай імперыі гэта Кобрынскі ўезд Гродзенскай губерніі.

У пачатку 19 стагоддзя ў Заказелі пабудавана сядзіба з палацам. Спачатку тут гаспадарыў Юзаф Ажэшка, потым Нікадзім і Калікст. Быў пасаджаны пейзажны парк. У 1839 годзе пабудавана капліца–усыпальніца ў парку ў стылі неаготыкі. Сядзібу часта наведвала вядомая беларуская і польская пісьменніца Эліза Ажэшка, якая жыла ў суседняй сядзібе ў Людвінава. Наведаў сядзібу вядомы мастак Напалеон Орда, які пакінуў малюнак палаца з паркам.

 У час анцірасійскага паўстання 1863 – 1864 гадах многія з роду Ажэшкаў падтрымалі паўстанне і былі сасланыя.

 У 1893 годзе сядзіба Заказель была продана графіне Бобрынскай. Пры ёй быў пабудаваны бровар, які захаваўся да нашага часу, гаспадарчыя пабудовы і адрамантаваны палац.

 Пасля Рыжскага міру 1921 года Заказель апынулася ў складзе Польскай дзяржавы. Аляксей Бобрынскі, сын графіні, у 1922 годзе прадаў сядзібу Зыгманту Весялоўскаму. А Весялоўскі перапрадаў іншаму гаспадару.

Палац ў час Вялікай Айчыннай вайны быў моцна пашкоджаны і да нашага часу захаваўся толькі флігель.

У добрым стане дайшоў парк з воднымі каналамі, капліца–пахавальня і некалькі гаспадарчых пабудоў.