Реклама. ООО «Бронирование гостиниц». ИНН 7703389880
Жабчыцы. Царква Параскевы Пятніцы
Храм
Беларусь, Брэсцкая вобл.,Пінскі р., Жабчыцы.
Апісанне
У Пінскім раёне ў мястэчку Жабчыцы пабудавана праваслаўная царква Параскевы Пятніцы. Побач знаходзіцца пасёлак Садовы, таму часам месца знаходжання храма ўказваюць Садовы. Царкву фундаваў у 18 стагоддзі, як уніяцкі храм мясцовы гаспадар маёнтка Красіцкі, род якога тут валадарыў да 1939 года. Царква ў 19 стагоддзі была перададзена праваслаўным вернікам. Храм з'яўляецца помнікам народнага драўлянага дойліцтва. Складаецца з трох асноўных частак. У савецкія часы царква была зачынена. З развалам СССР перададзена вернікам. Царква дзейнічае.
Катэгорыі
Гістарычнае
Помнік архітэктуры
Застаняцеся на ноч?
Гатэлі, кватэры і дамы для паездкі па Беларусі. Выберыце сэрвіс і паглядзіце даступныя варыянты.

Реклама. АО "СУТОЧНО". ИНН 7300037501
Реклама. ООО «Яндекс Вертикали». ИНН 7736207543
Браніраванне на сайце сэрвісу. Мы можам атрымаць камісію.
Пра сэрвісыКаментары
Нататкі да месца
1Алег Дзьячкоу
06.01.2025
Жабчыцы. Царква Параскевы Пятніцы
Як ехаць па трасе М 10 з Брэста і не даязжая некалькі кіламетраў да Пінска, з правага боку паварот на пасёлак Садовы і мястэчка Жабчыцы. Паселішчы гэтыя зусім побач і таму часта бывае блытаніна, дзе знаходзіцца праваслаўная царква Параскевы Пятніцы у Садовым, ці Жабчыцах. Мястэчка Жабчыцы больш старадаўняе, а назва Садовы сучаснае.
У цэнтры мястэчка пабудавана праваслаўная царква Святой Параскевы Пятніцы. Храм узведзены па фундацыі Ігнацыя Красіцкага ў 1788 годзе ў часы Вялікага Княства Літоўскага. Красіцкія мелі ў Жабчыцах свой уласны маёнтак, дзе яны былі гаспадарамі з другой паловы 18 стагоддзя і да 1939 года. Красіцкія пабудавалі аднапавярховы палац і заснавалі пейзажны парк. У 1870 – я гады Жабчыцы наведаў вядомы мастак і кампазітар Напалеон Орда, які пакінуў малюнак мясцовай сядзібы. Палац быў пашкоджаны ў часы Першай сусветнай вайны. У савецкія часы ў сядзібе знаходзіліся калгасныя ўстановы. Будынкі і парк паступова прыйшлі ў заняпад. Палац згарэў у вайну ў 1944 годзе.
Першапачаткова царква належыла ўніятам, а ў 19 стагоддзі ў часы Расійскай імперыі пасля забароны ўніі перайшла да праваслаўных вернікаў. У 1863 годзе будынак царквы адрамантавалі і перабудавалі. У савецкія часы храм быў зачынены і зноў перададзены праваслаўным вернікам у 1991 годзе.
Царква складаецца з трох роўных па вышыні зрубаў: прытвор, малітоўная зала і апсіда. Асноўны аб'ём накрыты двухярусным дахам, над якім узвышаецца васьміграны барабан з купалам – цыбулінай. Царква адрамантавана.
