Вылазы. Царква Нараджэння Божай Маці

У цэнтры мястэчка Вылазы Пінскага раёна пабудавана драўляная праваслаўная царква Нараджэння Божай Маці. Царква была пабудавана ў часы Вялікага Княства Літоўскага ў 1787 годзе. Храм будаваўся, як грэка – каталіцкі і належыў уніятам. У тыя часы пераважная большасць вясковых храмаў на тэрыторыі Беларусі належыла ўніятам. Пасля далучэння да Расійскай імперыі ў 1795 годзе прыход перайшоў з уніяцтва ў праваслаўнае веравызнанне. Гэта адбылося пры святары Матвеі Камінскім. У час Вялікай Айчыннай вайны частка пабудоў царквы была разабрана гітлераўскімі захопнікамі. Пасля вайны ў савецкія часы царкву зачынілі ў 1960 – я гады і ў 1963 годзе абшчыну знялі з дзяржаўнай рэгістрацыі.

 Напярэдадні развала Савецкага Саюза царкву перадалі праваслаўным вернікам і летам 1990 года епіскап Пінскі і Лунінецкі Стэфан зноў асвяціў храм. Царква складаеца з трох асноўных частак: прытвор, малітоўная зала і апсіда. Прытвор невялікі, накрыты двухскатным дахам, прыбудаваны да асноўнага аб'ёму. Малітоўная зала накрыта чатырохскатным дахам і завершана васьміграным барабанам з купалам. Пяціграная апсіда накрыта шматграным дахам з двухярусным барабанам з купалам.

У 19 стагоддзі перад царквой была пабудавана двухярусная вежа – званіца, якая накрыта чатырохскатным дахам. Першапачаткова дах на званіцы быў накрыты гонтам.