Цеалін. Сядзіба Грабоўскіх

У мястэчку Цеалін Ваўкавыскага раёна знаходзіцца сядзіба Грабоўскіх. Сам палац не захаваўся, але адрамантаваныя два мураваныя флігеля і парк з сажалкай. У будынках зараз размяшчаецца санаторый. Парк пейзажнага тыпу з элементамі рэгулярнага парку. Захавалася да нашага часу два водныя каналы. Вялікую сядзібу пабудаваў ў 1788 годзе Тамаш Грабоўскі. Сядзібны палац быў зруйнаваны ў часы Першай сусветнай вайны.

З 16 стагоддзя мястэчка ў часы Вялікага Княства Літоўскага спачатку належыла роду Калантаеў. Называўся тады маёнтак Валчкоўскі двор. У 1643 годзе маёнтакам валодаў Францішак Ельскі і прадаў яго Яну Заранку. Потым гаспадарамі былі Алендскія. Каля 1750 года мястэчка Цеалін набывае Стэфан Грабоўскі. Мабыць пры Стэфане мястэчка пераіменавалі ў Цеалін, бо жонку яго звалі Цеадора, з роду Стрыенскіх. Потым былі тут гаспадарамі Тамаш Грабоўскі і яго сын Сігізмунд Грабоўскі (1749 - 1809). Жонкай Сігізмунда была Марыяна Патоцкая. Іх сын Фелікс ажаніўся з Соф'яй Пац.

 Сядзіба ў 1809 годзе перайшла да Сігізмунда – Ксаверыя, які быў маршалкам дваранства Валкавыскага ўезда. У гэты час у 1834 годзе ў сядзібе меўся добры каменны дом, аранжарэя, кухня і гаспадарчыя пабудовы. Наступнай гаспадыняй была дачка Ксаверыя Эвеліна, якая была ў шлюбе за Стэфанам Грабоўскім – сынам Соф'і з Завішаў і Вільгельма Грабоўскага. У 1890 годзе валодалі сядзібай Ксаверый Грабоўскі. Зямлі мелася ў той час 577 дзесяцін. Затым род Струцінскіх валодаў маёнткам.