Целяханы. Царква Святой Троіцы

Сярод балот і лясоў у Івацэвіцкім раёне знаходзіцца мястэчка Целяханы. Тут ёсць некалькі помнікаў прыроды і гісторыі і ўнікальны канал Агінскага. Над мястэчкам узвышаецца драўляная праваслаўная царква Святой Троіцы, якая была пабудавана ў пачатку 20 стагоддзя ў часы Польскай дзяржавы.

Упершыню ў дакументах Целеханы сустракаюцца ў 16 стагоддзі ў часы Вялікага Княства Літоўскага. У 18 стагоддзі гаспадаром у гэтых мясцінах былі магнаты Агінскія. Менавіта Міхал Казімір Агінскі і пабудаваў тут першую праваслаўную царкву. Хаця, ёсць верагоднасць, што царква належыла спачатку ўніятам, а ў часы Расійскай імперыі перайшла да праваслаўных вернікаў. У гады Першай сусветнай вайны ў 1915 годзе царква была знішчана пажарам. Нейкі час прыход праваслаўны заставаўся без храма.

З 1932 года у Целяханы быў прызначаны святар Іаан Струкоўскі, і пачалася энэргічная праца па пабудове новага храма. Быў створаны камітэт, які займаўся непасрэдна будаўніцтвам. Збіраліся ахвяраванні сярод прыхаджан і з іншых фундатараў у тым ліку з за мяжы. Праект будынка быў распрацаваны інжынерам з горада Кобрын Катовічам. Восенню 1933 года адбылася ўрачыстая закладка царквы. У 1935 годзе царкву асвяцілі. Асноўнай святыняй быў абраз Божай Маці Адзігітрыі 18 стагоддзя.

 У часы вайны царква была пашкоджана. У 1959 годзе быў завершаны рамонт. У апошнія гады пасля развала СССР быў праведзены яшчэ рамонт. Царква дзейнічае.