Старыя Пескі. Царква Святой Троіцы

У Бярозаўскім раёне ёсць цікавае мястэчка Пескі, якое ўтварылася са Старых і Новых Пескаў. Перадусім сюды едуць пабачыць сядзібна–паркавы комплекс магнатаў Пуслоўскіх - помнік 18–19 стагоддзяў эпохі класіцызму. Парк, гаспадачыя пабудовы і велічная брама нікога не пакідаюць абыякавымі.

І вельмі часта, па заўвагай турыстаў і гасцей, застаецца старажытная драўляная праваслаўная царква Святой Троіцы, якая знаходзіцца на ўскрайку мястэчка. У 19 стагоддзі ў часы Расійскай імперыі мястэчка ўваходзіла ў склад Гродзенскай губерніі Слонімскага ўезда.

У 1827 годзе была пабудавана Траецкая царква. Дагэтуль тут была старая Траецка царква, якую знішчыў пажар. У 1878 годзе ў храме быў усталяваны новы драўляны іканастас. Царкву адрамантавалі ў савецкія часы ў 1968 годзе.

Царква пабудавана ў традыцыях народнага драўлянага дойлідства. Будынак складаецца з двух асноўных частак: малітоўная зала і апсіда. Да галоўнага фасада прыбудаваны казырок на драўляных слупах. Над галоўным фасадам надбудавана чацвярыковая вежа – званіца, якая завершана шматгранным шатром. Царква адрамантавана ў апошнія гады. Тэрыторыя побач з храмам добраўпарадкавана.