Салтанаўшчына. Царква Святой Тройцы.

    У мястэчку Салтанаўшчына Нясвіжскага раёна знаходзіцца каменная праваслаўная царква Святой Тройцы. Мястэчка ўпершыню згадваецца ў часы Вялікага Княства Літоўскага ў 15 стагоддзі.

      У 15 стагоддзі мястэчка належала роду Салтанаў. У 1580-я гады сядзібу з маёнткам набываюць Радзівілы.

         Пасля Рыжскага міру з 1921 года ў складзе Польскай дзяржавы да прыходу савецкай улады ў 1939 годзе. На ўсход ад мястэчка праходзіла мяжа паміж СССР і Польшчай.

         Храм узведзены на ўскраіне мястэчка на мясцовых могілках. Помнік пабудаваны ў канцы 18-га стагоддзя як каталіцкая царква. Па некаторых дадзеных, будынак пабудаваны ў 1826 годзе ў часы Расійскай імперыі. Царква пабудавана ў стылі класіцызму з элементамі неарускага стылю.

       У плане будынак мае прамавугольную форму, накрыты двухсхільным дахам. Галоўны фасад аформлены трохвугольным франтонам. Над асноўным аб'ёмам масіўны купал-цыбуліна на шматгранным барабане. Інтэр'ер складаецца з трох нефаў. Над уваходам размяшчаюцца хоры. Перад царквой двух'ярусная брама-Званіца: першы ярус зроблены з бутавага каменя, а другі ярус драўляны.