Слонім. Капліца Святога Дамініка.

У горадзе Слоніме на перакрыжаванні вуліцы А. Пушкіна і А.Міцкевіча пабудавана мураваная капліца Святога Дамініка. Капліца ўзведзена ў часы Вялікага Княства Літоўскага ў 1745 годзе з цэглы.

У тую эпоху было створана дзве капліцы пры ўездзе ў горад, якія былі, як памежныя знакі. Другая капліца не дайшла да нашага часу. Капліца з'яўляецца помнікам і ўнесена ў Дзяржаўны спіс гісторыка – культурных каштоўнасцей Рэспублікі Беларусь.

Капліца Святога Дамініка – гэта невялікая пабудова з цэглы, цэнтрычнае і трохяруснае, як вежа. Два ніжнія ярусы маюць квадратнае сячэнне, пры гэтым грані ўвагнуты, а вуглы зрэзаны. Першы ярус у капліцы маналітны і масіўны, які ўсталяваны на нізкім цокалі. Другі ярус помніка скразны з чатырма арачнымі прасветамі. Тут раней знаходзілася драўляная пазалочаная скульптура Святога Дамініка. Старая скульптура не захавалася да нашага часу і зараз устанавілі новую. Трэці ярус капліцы – фігурная увогнутая вежачка, якая мае шатровае чатырохскатнае завяршэнне. На самай вяршыне ўсталяваны крыж.

 Святы Дамінік (1170 - 1221) – каталіцкі святы, манах і прапаведнік. Нарадзіўся ў Іспаніі. Заснавальнік ордэна дамініканцаў, або яго яшчэ называюць, ордэнам прапаведнікаў.