Расоны. Васкрасенская царква.

Невялікі раёны гарадок Расоны мае тысячагодую гісторыю. Першапачаткова ўваходзіў у склад Полацкага княства. І ў даўнія часы на самым поўдні мястэчка была пабудавана драўляная праваслаўная царква, дах якой быў пакрыты гонтам. Пры царкве была званіца. Храм са званіцай быў пабудаваны за кошт дзяржаўнай казны.

Мураваны храм быў узведзены ў 1879 годзе. Будынак пабудаваны з цэглы і бутавага камення. Бутавы камень вельмі шырока выкарыстоўваўся пры будаўніцтве на віцебшчыне, бо сюды камяні прыцягнуў з сабой ледавік, які растаяў 10 тысяч год таму. Бутавы камень вельмі гарманічна выглядае разам з чырвонай цэглай. Фасады царквы ўпрыгожваюць дэкаратыўныя элементы ў псеўдарускім стылі. Гэты стыль быў папулярны ў Расійскай імперыі ў 19 – пачатку 20 стагоддзя, калі будынкі культавыя і грамадзянскія будаваліся з элементамі старажытнарускіх храмаў.

У савецкія часы царква была зачынена. Моцна пацярпела ў час Вялікай Айчыннай вайны. У пачатку 1990- х гадоў была праведзена рэстаўрацыя.

Царква помнік архітэктуры псеўда – рускага, або, у некаторых крыніцах пішуць – рэтраспектыўна – рускага стылю. Малітоўная зала – кубападобны аб’ём, які накрыты чатырохсхільным дахам з 5 купаламі.