Полацк. Дом афіцэраў.

У самым сэрцы старажытнага Полацка стаіць Дом афіцэраў - цудоўны ўзор сталінскай архітэктуры, збудаваны ў 1938 годзе. Першапачаткова насіў імя Дома Чырвонай Арміі, ён быў не проста будынкам, а эпіцэнтрам культурнага і ваеннага жыцця горада, месцам службы і цэнтрам прыцягнення для ўсяго гарнізона.

У гады Вялікай Айчыннай вайны дом афіцэраў падзяліў трагічны лёс горада. Акупанты выкарыстоўвалі яго ў сваіх мэтах, а пры адступленні падпалілі, пакінуўшы ад будынка толькі руіны. Здавалася, агонь назаўжды выкрасліць яго з гісторыі. Але сцены выстаялі, стаўшы маўклівым сведкам гераізму і сімвалам нязломнай волі палачан.

Пасля вызвалення Полацка ў 1944 годзе пачалося yеверагоднае аднаўленне з попелу. У вельмі цяжкіх умовах, пераадольваючы разруху і недахоп рэсурсаў, жыхары горада па цаглінцы вярнулі Дому афіцэраў яго ранейшае аблічча. Ужо ў 1947 годзе ён зноў расчыніў свае дзверы, стаўшы цэнтрам культурнага жыцця, месцам правядзення канцэртаў, выстаў і святаў. Гэты подзвіг - яркае сведчанне любові да роднага горада і павагі да яго гісторыі.

На жаль, у пачатку 2000-х гадоў будынак паступова страціў сваё значэнне, а планы па стварэнні культурна-дзелавога цэнтра так і не былі рэалізаваныя. Дом афіцэраў пачаў прыходзіць у заняпад, рызыкуючы назаўжды знікнуць з карты Полацка.

Але гісторыя распарадзілася інакш. У чэрвені 2023 года пачалося доўгачаканае адраджэнне помніка архітэктуры. Пры рэканструкцыі прыярытэтам стала захаванне аўтэнтычнага аблічча будынка і ліквідацыю аварыйных участкаў. І ўжо ў чэрвені 2024 года работы былі завершаны.

Сёння Дом афіцэраў здабыў новае жыццё ў якасці аднаго з карпусоў Полацкага дзяржаўнага ўніверсітэта. Сімвалічна, што менавіта тут размясцілася ваенная кафедра.

Цяпер, як і раней, Дом афіцэраў гуляе важную ролю ў развіцці адукацыі і культуры рэгіёну, нагадваючы пра слаўнае мінулае і адкрываючы новыя гарызонты для будучыні. Гэта не проста адноўлены будынак, гэта сімвал адраджэння, помнік стойкасці і любові да сваёй гісторыі.