Ліда. Помнік Францыску Скарыне

У цэнтры горада Ліда недалёка ад замка ёсць помнік Францыску Скарыне. Помнік быў усталяваны 25 ліпеня 1993 года і прымеркаваны да другой гадавіны незалежнасці Рэспублікі Беларусь. Скульптар вядомы на Беларусі мастак і скульптар Валяр'ян Янушкевіч. У час збора сродкаў актыўны ўдзел прынялі жыхары і прадпрыемствы Лідскага краю.

Францыск Скарана яшчэ пры жыцці заслужыў славу і павагу беларускага народа і быў шырока вядомы за межамі нашай краіны.

Ф. Скарына (1470? – 1551?) – беларускі і ўсходнеславянскі першадрукар, асветнік і гуманіст, філосаф і грамадскі дзеяч, медык і перакладчык. У гонар Ф. Скарыны узводзяцца помнікі і называюцца вуліцы, у гонар Ф. Скарыны на Беларусі існуе дзве дзяржаўныя ўзнагароды: ордэн і медаль. Скарына нарадзіўся ў горадзе Полацк у сям'і купца. Скончыў універсітэт у Кракаве. Абараніў ступень доктара медыцыны, здаўшы іспыт у Падуанскім універсітэце ў Італіі. Затым пераехаў у Прагу і ў жніўні 1517 года выдаў першую друкаваную беларускую кнігу кірылічным шрыфтам пад назвай «Псалтыр». Недзе каля 1520 года Скарына пераязжае ў Вільню ў сталіцу Вялікага княства Літоўскага, дзе заснаваў першую ва Усходняй Еўропе друкарню і выдаў «Малую падарожную кніжку».

Памёр і пахаваны ў Праге, дзе ў цэнтры горада ў парку таксама ўсталяваны вялікі помнік нашаму асветніку.