Ліда. Гісторыка – мастацкі музей.

Пачынае сваю гісторыю музей з мая 1939 года, як музей Польскага краязнаўчага таварыства. У 1941 годзе ў студзені месяцы музей пачаў сваю працу, як абласны гісторыка – краязнаўчы. У чарговы раз музей быў адчынены ў 1959 годзе, як краязнаўчы музей. Пад установу быў выдзелены будынак былога касцёла піяраў Святога Іосіфа. Потым музей перавялі ў прыбудову касцёла, бо ў цэнтральнай частке размясціўся планетарый. У 1999 годзе пад музей перадалі новы будынак, дзе раней размяшчалася мастацкая галерэя і краязнаўчы музей і мастацкая галерэя былі аб'яднаныя ў гісторыка–мастацкі музей.

У экспазіцыі прадстаўлены археалагічныя знаходкі з Лідскага замка і старажытных паселішчаў, старадаўнія кнігі і абразы. У пастаяннай экспазіцыі «Сучаснае мастацтва краю» прадстаўлены вырабы шклозавода «Нёман» з Бярозаўкі, распавядаецца пра мастакоў і скульптараў Лідчыны. Экспазіцыя «Прырода Лідчыны» прапануе пазнаёміца з разнастайным і непаўторным светам прыроды Прынёманскага краю.

У апошнія гады была аформлена часовая экспазіцыя «Вайна. Перамога. Памяць», дзе распавядаецца пра генацыд беларускага народа, пра падзеі Вялікай Айчыннай вайны.

У верасні 2010 года прайшло адкрыццё Дома Валянціна Таўлая, дзе створаны мемарыяльны пакой пісьменніка. Лідскі замак таксама – гэта філіял музея, дзе ў 2017 годзе адчынілася экспазіцыя «Лідскі замак. Гістарычныя падзеі і постаці».