Реклама. ООО «Бронирование гостиниц». ИНН 7703389880
Ліда. Царква Георгія Пераможцы
Храм
Беларусь, Гродзенская вобл., г. Ліда, вул. Савецкая, 63
Апісанне
У 19 стагоддзі ў горадзе Ліда была пабудавана на старых могілках драўляная царква ў гонар Святога Георгія Пераможцы. Храм быў пабудаваны ў псеўда – рускім стылі з элементамі народнага драўлянага дойлідства. За польскім часам гэта была адзіная праваслаўная царква ў горадзе, якая дзейнічала. У 1990 – х гадах быў пабудаваны новы мураваны храм з цэглы і старая драўляная царква апынулася ўнутры новыга храма. У 2014 годзе на царкве была ўсталявана памятная шыльда князю Канстанціну Астрожскаму.
Катэгорыі
Гістарычнае
Застаняцеся на ноч?
Гатэлі, кватэры і дамы для паездкі па Беларусі. Выберыце сэрвіс і паглядзіце даступныя варыянты.

Реклама. АО "СУТОЧНО". ИНН 7300037501
Реклама. ООО «Яндекс Вертикали». ИНН 7736207543
Браніраванне на сайце сэрвісу. Мы можам атрымаць камісію.
Пра сэрвісыКаментары
Нататкі да месца
1Алег Дзьячкоу
08.12.2024
Ліда. Царква Георгія Пераможцы
У горадзе Ліда, крыху ў далечыні ад гістарычнага цэнтра, на старых могілках знаходзіцца царква Святога Георгія. Царква была пабудавана ў 1875 годзе на мясцовых могілках па фундацыі купца Антонія Васнеўскага.
Храм быў драўляны, пабудаваны ў псеўда – рускім стылі з элементамі беларускага народнага дойлідства. Над прытворам надбудавана вежа – званіца з высокім шпілем і цыбулінай. У капліцу быў перанесены рэліквіі з дамавой царквы Лідскага замка.
У пачатку 20 стагоддзя, пасля Рыжскай дамовы, калі Ліда ўвайшла ў склад Польскай дзяржавы, царква Святога Георгія была адзіным праваслаўным храмам у горадзе. У 1920 – х гадах да царквы была зроблена прыбудова.
У 1990 – х гадах царкву пачалі рамантаваць і пашыраць. Быў пабудаваны зусім новы храм з сілікатнай цэглы і пры гэтым, старая драўляная царква, апынулася ў нутры новага будынка. І атрымалася канструкцыя – храм у храме ў поўным сэнсе гэтага слова.
У верасні 2014 года на сцяне царквы Святога Георгія была ўсталявана памятная шыльда ў гонар князя Канстанціна Астрожскага, як даніна памяці і павагі да выбітнага грамадскага, вайсковага дзеяча і абаронцы веры праваслаўнай.
Некалькі год таму драўляную старую царкву разабралі. Новая царква – манументальны ў плане прамавугольны аб'ём. Каля царквы добраўпарадкавана тэрыторыя.
